Posts
नेपाली माटोले सन् १९८१ अगस्त ३१ का दिन यस्तो एउटा नाम पायो जो सबैको मन मस्तिष्कमा विराजमान छ | सायद यो नाम नेपाली क्रिकेटकै सबैभन्दा लोकप्रिय,चर्चित र सम्मानित नाम हो | नाम "मेहबुब आलम" |नेपाली क्रिकेटलाई चिनाउँदाको अवसरमा मेहबुब आलमको नाम अगाडि आउने गर्छ | ICC
INTERCONTINENTAL CUP,मार्च २००४ मा पहिलो श्रेणीमा Debut गरेका आलमले उत्कृष्ट प्रदर्शन गरे | आफ्नो समयमा मेहबुबले "अभाव,अभ्यासको कमी,खेलाडीलाई हेर्ने नजर" लाई चुनौति दिदै आफ्नो राष्ट्रप्रेम र ईच्छाशक्तिलाई कमजोर हुन कहिले दिएनन् | सायद यसैले पनि भन्ने गरिन्छ,मेहबुबको शरीरमा रगत होइन क्रिकेट दौडन्छ | कठिन परिस्थितिमा पनि नेपाली क्रिकेटलाई जिवितै राख्न योगदान दिने महत्वपुर्ण नाम हो मेहबुब आलम | त्यसो त क्रिकइन्फो ले पनि लेखेको थियो,फुटबल र क्रिकेटबीचको लोकप्रियताको दुरी कम गर्न मेहबुब पुल बन्दै छन् |
केही २०१२ मा जन्मिएका अग्यान क्रिकेटप्रेमीहरु आज पनि डाटा देखाएर मेहबुबलाई कमजोर आँक्न खोज्छन् | यो ठुलो भुल हो | मेहबुब आलम चोटिल हुनुभन्दा अघि २०११ सम्म नेपाली क्रिकेटको सबैभन्दा चर्चित र सफल नाम हो | भन्ने गरिन्छ,एक युगमा एक दिन एकचोटी आउँछ |" यो भनाईलाई नेपाली क्रिकेटमा मुखरित गर्ने मेहबुब कै गिनिज विश्वरेकर्ड हो | मोजाम्बिक सो समय डिभिजन ५ कै टिम थियो,आज कहाँ पुग्यो यसले मतलब राख्दैन नेपालले विश्वकपको सपना बुन्दै गर्दा मेहबुबले साउदीलाई हानेको ४२ बलमा ८८ रनको पारी (Highest T20 score of Nepal) महत्वपुर्ण रह्यो | भाग्यभरोसाको साथमा नेपाली टिम युएई पुग्यो | समयले घात गर्यो| मेहबुब चोटिल भए | उनको प्रदर्शन आज न्युजिल्याण्डमा असफल खेलाडी जस्तै भयो | सायद चोट र प्रदर्शनमा समानान्तर सम्बन्ध छ | न उनले पुरा खेल खेले,न त पुरा ओभर गरे न त खेल्ले बल नै धेरै पाए | PNG विरुद्ध मात्र ४ ओभर गराइयो जसमा उनले २० रन खर्चेर इंगल्याण्डबाट टेस्ट र एकदिवशिय खेलेका गेरान्ट जोन्सको विकेट लिए | तर 7 match मा ३१ रन ब्याटबाट र बलिंगमा १ विकेट भन्दै डाटा को आधारमा मेहबुब असफल भए भन्ने अस्वभाविक हल्ला पिटियो |
वर्तमान अवस्थामा आलमको माग उस्तै छ | टिम बाहिर हुदा पनि यिनको चर्चा कहिले घटेन | राष्ट्रिय T20 मा उनले स्पिन बलिंग गरे,कारण चोट तर पनि उनी "Top 3 most economical bowler" मा परे | ब्याटिंग मा त म भन्छु," मेहनतमा भाग्य लागेन" आलमलाई | मेहनत यस अर्थमा उनी भारतमा क्रिकेट खेल्न व्यस्त थिए | क्रिकेटबाट टाढा हुन सकेनन् | कसैको साथ रहेन उनलाई | क्यान ले ३६ जनाको टिम मा नि नाम राखेन | के मेहबुब ३६ जनाको टिममा नि नपर्ने खेलाडी हुन् ? पक्कै होइन
|
भर्खरै भारतको 'सिंहेश्वर' मा भएको खेललाई हवाला दिदै भारतिय पत्रिका "हिंदुस्तान" ले लेखेको छ," मेहबुब आलमको आतिषी पारीले दर्शन रोमान्चित बने | हुन पनि रोमान्चक खेलको अर्को नाम हो मेहबुब आलम | यसैले त उनलाई भारतिय ब्याट्सम्यान विरेन्दर सेहवागसँग तुलना गर्ने नेपाली क्रिकेट प्रेमीको ठुलो भिड छ | पछिल्लो समय धेरै मिडियाले उनको अन्तर्वाता ले लिएको थियो जसउ उनले भनेका थिए "खेलमा प्रदर्शन ठुलो कुरा हो र म टिममा फर्कन आतुर छु |" उनको यही भनाइलाई आज जोड्दा केहीलाई नैतिकताको प्रश्न उठेको छ |
आज सबैले मेहबुबको वापसी चाहेका छन् |९९% fan हरु त्यो खेलाडी सधै टिममा किन पर्छ भन्न् पर्श्न गर्दैगर्दा अर्को तर्फ ९९% fan नै मेहबुबलाई क्याम्पमा बोलाउनुपर्छ भनिरहेका छन् | अब नेपाली क्रिकेटलाई नैरस्यताबाट बचाउन र मेहबुबको लगावको सम्मान गर्दै संघले विगतलाई भुलेर वर्तमानमा पुन: विचार गर्नु जरुरी छ | हैन भने संघको आयु नै संकटमा पर्ने निश्चित जस्तै छ | (लेखक :- सुदर्शन यादव) - See more at: http://merocricket.com/index.php?action=news&id=109#sthash.BS0RXzex.dpuf
0 तपाईका प्रतिक्रियाहरु:
Post a Comment